ഒമാനില് 982 പേര്ക്ക് കൂടി കോവിഡ് വൈറസ് ബാധ സ്ഥിരീകരിച്ചതായി ആരോഗ്യ മന്ത്രാലയം അറിയിച്ചു. 24 മണിക്കൂറിനിടെ 37 കൊവിഡ് മരണങ്ങളാണ് രാജ്യത്ത് റിപ്പോര്ട്ട് ചെയ്യപ്പെട്ടത്. ഇതോടെ ഇതുവരെയുള്ള കോവിഡ് മരണങ്ങള് 3,472 ആയി.
രാജ്യത്ത് ഇതുവരെ 2,87,054 പേര്ക്ക് കോവിഡ് വൈറസ് ബാധ സ്ഥിരീകരിച്ചിട്ടുണ്ട്. ഇവരില് 2,60,826 പേരാണ് രോഗമുക്തരായത്. 90.9 ശതമാനമാണ് ഇപ്പോഴത്തെ രോഗമുക്തി നിരക്ക്. കഴിഞ്ഞ 24 മണിക്കൂറിനിടെ 122 പേരെ രാജ്യത്തെ വിവിധ ആശുപത്രികളില് പ്രവേശിപ്പിച്ചു. ഇവര് ഉള്പ്പെടെ 1290 പേര് ഇപ്പോള് ആശുപത്രികളില് ചികിത്സയിലുണ്ട്. ഇവരില് ഗുരുതരാവസ്ഥയിലുള്ള 458 പേര് തീവ്രപരിചരണ വിഭാഗങ്ങളിലാണ്.